වෙස් බැඳුණු මුහුණත්
සිනා පඬු ලා සිරිමත්
ගෙන තෑගි බෝගත්
අසුන් ගත්තෝ - අමුත්තෝ විත්
කෙරූ කෙරුවාවල්
නොපිරූ කල්පනාවල්
ගැහැණු වරුණාවල්
පිරිමි හිනැහෙති - දී සිනා බොල්
බැලුම් මෙන සිවිලිම
ඔන්න මෙන්න වැ පිපිරෙන
පුම්බාගත් ලියෙන
ජපකරති ගැහැණුද - 'මමායන'
මාරු කර අඹු සැමි
බදා නටතෙයි වැනි වැනී
බෙදා ගෙනැ බුදිමිනි
සුනඛයොත් - ගෙයි කොණක හිනැහුනී
මධු පුරති සැමියෝ
පුර සාරමෙනි බිරියෝ
වැලි කෙළිති දරුවෝ
උගුල ඇද හිනැහෙති - ගෙහිමියෝ
ලොකු කම් පෙන්නුවත්
අසල් වැසි සිත් තැවුවත්
ගත් ණයෙනි නිදහස්
වෙනුයෙ කෙළෙසද - හඬයි උන් සිත්
යමුනා මාලිනි පෙරේරා
